ВОВЕДУВАЊЕ НА ИНТЕГРИРАН ЗДРАВСТВЕН ИНФОРМАТИЧКИ СИСТЕМ ВО РЕПУБЛИКА МАКЕДОНИЈА

Министерството за здравство, согласно “Стратегијата за развој на Македонски интегриран здравствен информатички систем“, (Документ IT_strategija_IZIS) заедно со своите клучни партнери, Фондот за здравствено осигурување и Институтот за јавно здравје, а во непосредна соработка со здравствените установи и институциите од сите сегменти на здравствената заштита, спроведува проекти за информатизација на здравството.
Пред сите е поставена висока цел – да се воспостават автоматизирани процеси на работа во ординациите од сите нивоа на здравствена заштита, здравствената администрација и аптеките. За да биде целта исполнета, неопходно е централизирање на медицинските податоци за сите учесници во здравствениот систем, односно, сите корисници на здравствени услуги.

За сето ова, Министерството презема повеќе чекори. Изграден е современ Дата центар во кој се обезбедени сите услови за безбедно чување и сигурен пристап до податоците кои ќе се прибираат од сите нивоа на здравствениот систем.

Во Дата центарот ќе бидат поставени следните софтверски решенија:

– Софтвер за Примарно здравство со сите дејност

– Софтвер за ординации од специјалистичко дијагностичка дејност како дел од целосна апликација за основно болничко работење

– Софтвер за болничко работење со основни функционалност

– Интерфејс за болници

– Апликација за Регистри за јавно здравје

– Централни регистри, единствени шифрарници и кодни лист

– Интерфејс за аптеки базиран на веб сервис

Сите решенија ќе бидат интегрирани во систем, кој има за цел да го постигне следното:

– Во здравствените установи да се овозможи воведување на нови работни процеси преку воведување на електронски здравствен картон, електронски рецепт, електронски упат, електронско закажување на прегледи и други услуги

– Намалување на бројот на двојни прегледи

– Да се овозможи брза комуникација и консултации помеѓу примарната, секундарната и терцијарната здравствена заштита

– Поквалитетна услуга и намалување на ризикот од погрешни стручни одлуки

– Да се добие финансиска заштеда преку преоѓање на електронско работење со електронски документи кои ќе ги заменат досегашните хартиени упати и рецепти

– Да се добијат точни податоци за сите сегменти кои ги опфаќа здравствениот систем

– Граѓаните да добијат можност преку Интернет да пристапат на сигурен начин до сопствените податоци и корисни информации.

Во документот Medicus Net е даден осврт на апликацијата за ординациите од примарно здравство Medicus.Net, како и условите кои овие ординации треба да ги исполнат за нејзино користење (Документ Технички Барања), со што тие ќе станат дел од Интегрираниот систем и ќе имаат можност да ги користат сите предности кои тој ги носи.

Изворна вест

Коментари (1)

 

  1. MARIKA вели:

    MORA LI 2 KOMPJUTERI ZA EDNA PZU?DO KOGA EROKOT ZA LICENCIRANE/i DO KOGA E ROKOT ZA IZIS ?

Испрати коментар

Мора да бидете најавени за да испратите коментар.

Како да се регистрирам?

Корисни линкови

Министерство за Здравство Фонд за Здравство Лекарска комора За Здравје

Регистрирај се!
Министерство за Здравство
Драмски театар

Барај (Впиши го поимот и притисни enter)

Соопштенија со најмногу коментари

Видео

Тагови