Приватните лекари не го прифаќаат новиот договор кои фондот за здравство им го нуди за следната година

Приватните лекари одбиваат да ги потпишат новите договори за следната година кои Фондот за здравство им ги предложил. Тие се неприфатливи за нив, оти во договорите немало конкретни бројки, како приватните лекари ќе бидат платени идната година.

Според претседателката на Здружението на приватни лекари на Македонија Лилија Чолакова Дервишева, во договорите биле дефинирани само казните, но не и наградите за лекарите.

Приватните лекари уште еднаш ги повторија и старите барања до Фондот за здравство, пациентите да имаат договори за лечење со приватните здравствени организации, а не со одреден лекар.

Евентуалното заминување на лекарот бил огромен проблем при префрлањето на пациентите кај друг матичен доктор. Оние ординации кои немаат медицинска сестра да добијат администратор или бенефициран стаж за лекарот кој работи сам. Тие бараат и еднаков третман со лекарите од јавното здравство при користењето подолго боледување.

Се обративме во Фондот за здравство за став по обвинувањата на приватните лекари, но до затворањето на овие вести, одговор не добивме.

Приватните лекари сеуште не одлучиле што ќе прават ако Фондот не им ги прифати барањата. Не исклучуваат и протести, доколку Фондот остане глув на нивните повици.

https://24.mk/details/privatnite-lekari-ne-go-prifakjaat-noviot-dogovor-koi-fondot-za-zdravstvo-im-go-nudi-za-slednata-godina#

Испрати коментар

Мора да бидете најавени за да испратите коментар.

Како да се регистрирам?

Корисни линкови

Министерство за Здравство Фонд за Здравство Лекарска комора За Здравје

Регистрирај се!
Министерство за Здравство
Драмски театар

Барај (Впиши го поимот и притисни enter)

Соопштенија со најмногу коментари